Bul áleýmettik tólemdi ata-ananyń bireýi ǵana ala alady.
Byltyr respýblıka boıynsha 385 myń azamatqa 1 jasqa deıingi bala kútimine baılanysty áleýmettik tólem taǵaıyndalǵan, dep habarlaıdy Almaty-akshamy.kz
Onyń 3,5 myńǵa jýyǵy er adam. Bul týraly «Memlekettik áleýmettik saqtandyrý qory» AQ Bas dırektory Nursulý Kemel aıtty.
«Bir jasqa deıingi bala kútimine baılanysty áleýmettik tólem Mindetti áleýmettik saqtandyrý júıesine qatysýshyǵa jáne bala kútimimen aınalysatyn ata-anaǵa taǵaıyndalady. Ol múmkin ákesi nemese anasy bolar. Bul ata-ananyń ózderiniń quqyǵy. Mundaı quqyq shektelmegen. Bala kútimimen aınalysatyn naqty ata-anaǵa taǵaıyndalady. Eger bala otbasynda týylsa, bul balaǵa kútimdi ákesi jasaıtyn bolsa jáne ol jumys istese, onda bul tólemge kelýine tolyq múmkindigi bar», - dedi Nursulý Myrzageldiqyzy.