Onjyldyqtyń qorytyndysy boıynsha aýaǵa bólinetin zıandy qaldyqtar kólemi 14%-ǵa artady
Birikken Ulttar Uıymynyń Bas hatshysy Antonıý Gýterrıshtiń aıtýynsha, Jer shary halqynyń jartysyna jýyǵy klımattyń ózgerýine baılanysty qaýip-qatermen betpe-bet keledi.
Bul týraly ol avstrıalyq álemdik samıtke qatysýshylar aldyndaǵy úndeýinde málimdedi, dep habarlaıdy Almaty-akshamy.kz Baq.kz-silteme jasap.
Onyń aıtýynsha, klımatqa baılanysty daǵdarystyń eń nashar saldarynyń ózin múmkindiginshe tezirek boldyrmaýdyń jolyn qarastyrý kerek. Gýterrısh bizdiń planetamyzdyń 1,2 gradýsqa jylynǵanyn atap ótti. BUU Bas hatshysy barshany belgilengen shekti 1,5 gradýstan asyrmas úshin jáne ǵasyrdyń ortasyna qaraı aýaǵa bólinetin zıandy qaldyqtardyń nóldik deńgeıine jetý úshin ony 2030 jylǵa qaraı 45% tómendetýge shaqyrdy.
BUU Bas hatshysynyń málimetinshe, 2021 jyly energetıkalyq saladaǵy CO2 zıandy qaldyqtary 6%-ǵa ósti. Osy onjyldyqtyń qorytyndysy boıynsha aýaǵa bólinetin zıandy qaldyqtar kólemi 14%-ǵa artady.
«Kóptegen eldiń bıligi ýaqytty sozyp jatqanda, áreketsizdik aýyr zardaptarǵa ákelip jatyr. Klımattyń ózgerýi qazirdiń ózinde sezilip qalýda jáne adamzattyń jartysyna jýyǵy qaýipti aımaqqa túsip otyr», - deıdi BUU Bas hatshysy Antonıý Gýterrısh.