Onyń vıdeosy áleýmettik jelide tarap jatyr
Almaty oblystyq polısıa Talǵar aýdany Besaǵash aýylyndaǵy «Aspan sıtı» turǵyn úı kesheniniń aýlasynda turǵyndardy soqqyǵa jyqqan bir top jas jigitti izdestirip jatyr, dep habarlaıdy Almaty-akshamy.kz.
Onyń vıdeosy áleýmettik jelide tarap jatyr.
Almaty oblystyq polısıa departamentiniń málimetinshe, oqıǵa 12 maýsymnan 13 maýsymǵa qaraǵan túni bolǵan.
Atalǵan fakti boıynsha QR Qylmystyq kodeksiniń 293-baby (Buzaqylyq) boıynsha qylmystyq is qozǵaldy.
"İs materıaldarynda jábirlenýshi retinde bes jergilikti turǵyn bar, onyń ekeýi túrli dene jaraqattarymen aýrýhanaǵa jetkizildi. Qazirgi ýaqytta polısıa qyzmetkerleri atalǵan fakti boıynsha beınejazbany zerdeleýde, sondaı-aq oqıǵanyń kýágerlerinen jaýap alýda", - dep atap ótti polısıanyń baspasóz qyzmetinen.
Vedomstva ókilderiniń aıtýynsha, buzaqylardy anyqtaý jáne ustaýǵa baǵyttalǵan jedel-izdestirý is-sharalary uıymdastyryldy. Qylmystyq istiń tergeý barysy oblystyq polısıa basshylyǵynyń erekshe baqylaýynda.