Onyń avtokóligi aıyppulyn tolyq ótegenge deıin turaqqa qoıyldy
Óskemen qalasynda 79 ret jol erejesin buzǵan júrgizýshi anyqtaldy, dep habarlaıdy Almaty-akshamy.kz.
SHQO Polısıa departamenti baspasóz qyzmetiniń málimetine súıensek, tártip saqshylary 13 maýsymnan bastap óńir aýmaǵynda «Boryshker» jedel aldyn alý sharasyn ótkizýde.
«Shara barysynda jol júrý erejesin únemi buzyp júrgen Óskemen qalasynyń 26 jastaǵy turǵyny anyqtaldy. Júrgizýshiniń jalpy somasy 1 600 000 teńgeni quraıtyn 79 ákimshilik aıyppuly bar bolyp shyqty. Qazirgi ýaqytta onyń avtokóligi aıyppulyn tolyq ótegenge deıin turaqqa qoıyldy», - delingen aqparatta.
Bir kún ishinde polısıa qyzmetkerleri páterler men jer úılerdi aralap, jalpy somasy 17 mln teńge bolatyn ákimshilik aıyppul boıynsha bereshegi bar 2 000-nan astam azamatty habardar etti.
Esterińizge sala ketsek, osyǵan deıin úı almaq bolǵan Óskemen turǵynynyń alaıaqqa 10 mln teńge bergenin habarlaǵan edik.