«Jaqsylyqqa senimmen ómirge tózimdilikti nyǵaıtý». BUU Bas Assambleıasynyń bul jolǵy sesıasynyń taqyryby osylaı ataldy.
QR Premer-Mınıstriniń orynbasary – Syrtqy ister mınıstri Muhtar Tileýberdi bastaǵan qazaqstandyq delegasıa Nú-Iorkte (AQSH) ótetin Birikken Ulttar Uıymy Bas Assambleıasynyń 76-sessıasynyń joǵary deńgeıdegi aptalyǵynyń jumysyna qatysýda, dep habarlaıdy Almaty-akshamy.kz.
QazAqparat saıtynyń habarlaýynsha, kún tártibindegi negizgi máseleler COVID-19 pandemıasymen kúres, jahandyq qaýipsizdik pen turaqtylyq, ornyqty damý, sondaı-aq klımattyń ózgerýi máseleleri boldy. Aýǵanstandaǵy jaǵdaıǵa erekshe nazar aýdarylatyn bolady. Sesıa sheńberinde joǵary deńgeıdegi birqatar is-sharalar, onyń ishinde azyq-túlik júıeleri jónindegi samıt, energetıka jónindegi joǵary deńgeıdegi dıalog, COVID-19 jónindegi jahandyq samıt, teńizge shyǵa almaıtyn damýshy elder tobyna múshe memleketterdiń mınıstrlik kezdesýi, ıadrolyq synaqtarǵa jan-jaqty tyıym salý týraly sharttyń kúshine enýine járdemdesý jónindegi mınıstrlik konferensıa ótedi.
Qazirgi sesıa gıbrıdti rejımde ótýde. Nú-Iorkke 120-ǵa jýyq shet memleketterdiń ókilderi kelip, pikirtalastarǵa qatysady. Bas halyqaralyq minberden álemge 196 BUU-ǵa múshe elder jáne baıqaýshylardyń memleket, úkimet, syrtqy saıası vedomstvolarynyń basshylary men joǵary ókilderi sóz sóıleıdi. Qazaqstan Respýblıkasynyń atynan beıne úndeý formatynda Memleket basshysy Qasym-Jomart Toqaev sóz sóıleıdi. Qazaqstannyń syrtqy saıası vedomstvosy basshysynyń baǵdarlamasynda birqatar ekijaqty kezdesýler men kópjaqty is-sharalarǵa qatysý josparlanǵan.
Birinshi kúni Mınıstr M.Tileýberdi Lıtva syrtqy ister mınıstri Gabrıelús Landsbergıs, Sıngapýr Syrtqy ister mınıstri Vıvıan Balakrıshnan, Aýstrıa Syrtqy ister mınıstri Aleksandr Shallenberg, Sırıa Syrtqy ister mınıstri Feısal Mıkdad jáne Chernogorıa Syrtqy ister mınıstri Djordje Radýlovıchpen ekijaqty bólek kelissózder júrgizdi. Sonymen qatar, Mınıstr Aýstrıa Kansleri Sebastán Kýrs uıymdastyrǵan «Aýǵanstan halqyn, ásirese, Aýǵanstan men óńirdegi áıelder men balalardy qorǵaý» boıynsha joǵary deńgeıdegi dóńgelek ústelge qatysty.