Adamzat 2030 jylǵa qaraı ashtyqpen kúreste jeńip shyǵý mejesinen alystap barady. Bul týraly BUU «Álemdegi azyq-túlik qaýipsizdigi men tamaqtaný salasyndaǵy isterdiń qaǵıdalary 2022» atty jańa baıandamasynda málimdedi, dep habarlaıdy Almaty-akshamy.kz BAQ.KZ-ke silteme jasap.
Byltyr azyq-túlik tapshylyǵynan zardap shekken adamdardyń sany 46 mln-ǵa ulǵaıyp, 828 mln adamǵa jetken. Eger pandemıa bastalǵanǵa deıin ashtyqtyń zardabyn tartqandardyń qatary taǵy da 150 mln adamǵa tolyqqan.
Sarapshylar azyq-túlik sebetiniń quny men dúnıe júziniń túkpir-túkpirindegi turǵyndardyń emdámge qoljetimdiligin esepteı kele, ashtyqpen kúreste jeiństiń aýyly alystap bara jatqanyn boljap otyr.
Uıym jer betiniń 2,3 mlrd turǵynynyń úshten bir bóligi qandaı da bir deńgeıde azyq-túliktiń jetkiliksizdigimen betpe-bet keletindigin aıtty. Bul koronavırýs pandemıasy bastalǵanǵa deıingi eseppen salystyrǵanda 350 mln adamǵa kóp. 924 mln adam azyq-túlik jetispeýshiligin qatty sezinýde. Ashtyqtyń taýqimetin tartyp júrgender arasynda erlerge qaraǵanda áıelder basym. Al 5 jasqa tolmaǵan 45 mln bala sozylmaly ashtyqtyń eń aýyr saldaryn bastan keship jatyr. Bul bala ólimi qaterin 12 esege kóbeıtti.