Antıkor eks vıse-mınıstrge qatysty tergeýdi aıaqtady, dep habarlaıdy Almaty-akshamy.kz vedomstvoǵa silteme jasap.
Sybaılas jemqorlyqqa qarsy qyzmet burynǵy Indýstrıa jáne ınfraqurylymdyq damý vıse-mınıstri T. Toqtabaevqa qatysty laýazymdyq ókilettigin asyra paıdalaný faktisi boıynsha sotqa deıingi tergeýdi aıaqtady.
Ol Qostanaı oblysyndaǵy qatty paıdaly qazbalardyń (nıkel jáne kobált) iri qory anyqtalǵan «Shevchenkovskoe» ken ornyn barlaý syltaýymen affılıırlengen tulǵalarǵa aýksıonsyz zańsyz bergen dep aıyptalyp jatyr.
Nátıjesinde onyń baqylaýyndaǵy kompanıa qol qoıý bonýsynyń eń tómengi qunymen óndirýge daıyn ken ornyn alǵan.
Óziniń álemdik qory boıynsha biregeı nıkel jáne kobált túrindegi qatty paıdaly qazbalar 100 mln tonna 5,7 trln teńge somasyna baǵalanady.
Tergeý barysynda qabyldanǵan sharalardyń arqasynda atalǵan ken orny memleket paıdasyna qaıtaryldy.
Qazaqstan Respýblıkasynyń Bas prokýratýrasy aıyptalýshy T. Toqtabaevty sotqa berdi.
Qylmystyq-prosestik kodeksiniń 201-babyna sáıkes ózge aqparat jarıalanbaıdy.