Fransıanyń Kasasıalyq soty Nıkolá Sarkozıge 2021 jyldyń naýryzynda jemqorlyq pen sýdıany satyp alýǵa áreket jasady degen aıyp boıynsha shyǵarylǵan úkimdi ózgerissiz qaldyrdy. Eks-prezıdent bir jyl úıqamaqta elektrondyq bilezikpen ótkizýge mindetteldi, - dep habarlaıdy aqshamnews.kz
Bastapqyda Sarkozı úsh jylǵa bas bostandyǵynan aıyrylǵan bolatyn, biraq onyń eki jyly shartty túrde óteletin bolyp sheshilgen.
Nıkolá Sarkozı bul úkimge Parıjdiń apelásıalyq sotynda shaǵym túsirgenimen, 2023 jyldyń mamyr aıynda onyń ótinishi qanaǵattandyrylmady. Apelásıalyq sot úkimdi kúshinde qaldyryp, bir jyl naqty jazany úıde óteý múmkindigin berdi, biraq ol úshin eks-prezıdent elektrondyq bilezik taǵýǵa kelisken.
Sársenbi kúni Kasasıalyq sotta jeńilis tapqan Sarkozı Fransıa aýmaǵynda barlyq zańdyq múmkindikterin sarqydy. Endi úkim resmı túrde kúshine enedi.
Sýdıa Nıkolá Sarkozıge elektrondyq bilezik taǵýdy mindettep, ony bir jyl boıy alyp tastaýǵa tyıym saldy.
Bul sheshimniń nátıjesinde Sarkozı Fransıa tarıhynda túrmege úkim etilgen alǵashqy eks-prezıdent atandy.
Eks-prezıdenttiń advokaty Patrıs Spınozı Sarkozıdiń sot sheshimine baǵynatynyn, biraq Eýropalyq adam quqyqtary sotyna (EAQS) shaǵymdanatynyn málimdedi. Sarkozıdiń ózi bul jaǵdaıdy «tereń ádiletsizdik» dep baǵalady.
Degenmen, is EAQS-qa birneshe apta ishinde joldanýy múmkin, biraq bul Nıkolá Sarkozıge esh nátıje bermeıdi. Ol Strasbýrgtegi sottyń shyqqanǵa deıin jazasyn óteýdi jalǵastyrady.