Elimiz boıynsha aýa raıy turaqsyz.
"Qazgıdromet" mamandary 24 maýsymǵa arnalǵan Qazaqstan boıynsha aýa raıy boljamymen bólisti, dep habarlaıdy Almaty-akshamy.kz
"QR aýmaǵynyń basym bóliginde áli de turaqsyz aýa raıy saqtalady, atmosferalyq frontaldy bólikterdiń ótýine baılanysty naızaǵaı oınap, jańbyr jaýady, kúndiz elimizdiń ońtústik-shyǵysyndaǵy taýly aýdandarda nóser jańbyr jaýady, respýblıka boıynsha ortaq tabıǵı qubylys - jeldiń ekpin alýy, burshaqtyń túsýi", delingen "Qazgıdromet" RMK habarlamasynda.
Kúndiz Abaı, Jetisý, Almaty, Jambyl, Pavlodar, Shyǵys Qazaqstan oblystarynda, Qaraǵandy oblysynyń ońtústiginde qatty ystyq bolady.
Aqtóbe, Almaty oblystary, Ulytaý óńiriniń soltústiginde, shyǵysynda, Abaı oblysynyń soltústiginde, Qaraǵandy óńiriniń batysynda, ortalyǵynda, Aqmola oblysynyń batysynda, SHQO-nyń ońtústiginde, Mańǵystaý oblysynyń batysynda, soltústik-shyǵysynda, Jetisý óńiriniń soltústiginde, shyǵysynda, Pavlodar oblysynyń shyǵysynda, ortalyǵynda, Atyraý oblysynyń batysynda joǵary órt sóndirý qaýpi saqtalady. Al Batys Qazaqstan oblysynyń shyǵysynda órt qaýpi joǵary bolady dep kútiledi.
Atyraý, Túrkistan, Jambyl, Qyzylorda, Almaty oblysynyń soltústiginde, Ulytaý, Batys Qazaqstan oblysynyń ońtústiginde, Aqtóbe oblysynyń batysynda, ońtústiginde, Qostanaı, Qaraǵandy oblystarynyń ońtústiginde jáne Abaı, Jetisý oblystarynyń soltústiginde, shyǵysynda, Mańǵystaý oblysynyń soltústiginde, ońtústik-shyǵysynda, ortalyǵynda tótenshe órt qaýpi saqtalady.
Qazaqstannyń iri megapolısterinde aldaǵy úsh kúnde aýa raıy qubylmady bolady: jańbyr jaýyp, naızaǵaı oınaıdy, qatty jel turady dep boljandy.