TÚRKSOI uıymynyń bastamasymen túrkitildes memleketterdiń mádenı elordasyn berý mártebesi 2012 jyly Qazaqstannyń astanasynan bastaldy.
Eske sala keteıik, bul týraly Ózbekstannyń Hıýa qalasynda ótken TÚRKSOI uıymy turaqty keńesiniń 38-shi otyrysynda belgili bolǵan edi. Sodan beri mádenı astanada túrli festıvál, konferensıa legi tolassyz ótýde. Al kúni keshe Túrkıanyń Býrsa qalasynda TÚRKSOI uıymynyń Naýryz meıramyna arnalǵan eki aptalyq merekelik sharasy aıasynda mádenı astananyń resmı ashylýy ótti, dep habarlaıdy Almaty-akshamy.kz Qazaqtv.com saıtyna silteme jasap.
Halyqaralyq uıymnyń bas hatshysy Dúısen Qaseıinovtiń aıtýynsha, belgili bir mekendi mádenı astana dep taný tarıhı qalalarymyzdyń qaıta jańǵyrýyna, olardyń álemge basqasha beınede tanylýyna múmkindik beredi.
«Eýropanyń mádenı astanasy» degen ataý berilgeli 40 jyldaı ýaqyt boldy. Biz 2012 jyly bastadyq. Túrki áleminiń mádenı astanasy dep jarıalaǵannan keıin, túrli sanat adamdary kelip, bilim, kóptegen óner ujymy, oǵan qosa festıválder ótkendigi qalaǵa úlken jarnama boldy. Qandaı ádemi, baı bolsa da, týrıser kelmese, bir-birine aıtyp usynbasa, ol qalalardy eshkim tanymaıdy», - deıdi halyqaralyq «TÚRKSOI» uıymynyń bas hatshysy Dúısen Qaseıinov.