Prezıdent Qasym-Jomart Toqaevtyń tóraǵalyǵymen Ulttyq quryltaıdyń kezekti otyrysy Býrabaıda bastalady. Bul týraly Aqshamnews.kz saıty 24.kz deregine silteme jasap habarlaıdy.
Ulttyq quryltaı alǵash ret 2022 jyldyń maýsymynda qurylyp, bıyl tórtinshi ret jınalmaq. Quryltaı jumysy eldiń tarıhı jadyn jańǵyrtýǵa, ulttyq qundylyqtardy dáripteýge jáne jańa saıası mádenıetti qalyptastyrýǵa baǵyttalǵan.
Ótken jyly Ulttyq quryltaıdyń úshinshi otyrysynda kóterilgen bastamalardyń nátıjesinde 10 zań jobasy usynylyp, 9 zań qabyldandy. Quryltaıǵa eldiń ár óńirinen qoǵam qaıratkerleri, sarapshylar jáne azamattyq belsendiler qatysýda.
Buǵan deıin quryltaı Ulytaý, Túrkistan, Atyraý sıaqty tarıhı qalalarda ótip, qoǵamdaǵy ózekti máselelerdi talqylaýǵa jáne sheshimder qabyldaýǵa múmkindik berdi.