«Býrabaı» memlekettik ulttyq tabıǵı parki jáne Marqakól memlekettik tabıǵı qoryǵy IýNESKO-nyń bıosferalyq rezervattarynyń jahandyq jelisine qosyldy.
Mundaı sheshim «Adam jáne bıosfera» baǵdarlamasynyń halyqaralyq úılestirý keńesiniń 34-shi sesıasynda qabyldandy, dep habarlaıdy Almaty-akshamy.kz
Aıta keteıik, búgingi tańda IýNESKO bıosferalyq rezervattarynyń Qazaqstandaǵy ulttyq jelisine 15 obekt engizilgen. Bul Ortalyq Azıa elderindegi eń joǵary kórsetkish jáne de álem qaýymdastyǵynyń Qazaqstandaǵy bıoalýandylyqty saqtaý máselelerine degen aıryqsha nazaryn bildiredi.
"Qazaqstan bul iske óte jaqsy daıyndalypty. Ótinimdi qýana-qýana qoldadyq. Osy nátıjemen qazaq elin quttyqtaımyn. Qazaqstan delegasıasy úlken jumys atqardy jáne Parıjde qajetti barlyq aqparat pen qujatty der kezinde jáne tıisti kólemde usyna bildi", - deıdi IýNESKO Halyqaralyq Bıologıalyq baǵdarlama jetekshisi Adeshola Adepodjý.