Demalys ornyn damytýdyń bas josparyn ázirleý usynyldy
Shyǵys Qazaqstan oblysyndaǵy Buqtyrma sý qoımasynyń jaǵalaýynda kásipkerler men turǵyndarǵa jer berý ýaqytsha toqtatylady, dep habarlaıdy Almaty-akshamy.kz QazAqparat-qa silteme jasap.
SHQO ákimdiginde ótken jınalys barysynda Buqtyrma sý qoımasynyń jaǵalaýyn kórkeıtip, demalýshylar sanyn arttyrý jaıly sóz qozǵaldy. Oblystyq Kásipkerlik jáne ındýstrıaldy-ınnovasıalyq damý basqarmasynyń basshysy Ernar Mustafın demalys ornyn damytýdyń bas josparyn ázirleýdi usyndy.
«Búginde jaǵalaýǵa bos jatqan jer telimderi bar. Keıbireýler sonda asyǵys-úsigis úıler salyp jatyr. Olardy toqtatyp, demalýshylarǵa qolaıly jaǵdaı jasaý úshin jaǵalaýdy damytýdyń bas josparyn ázirleý kerek. Alakóldiń úlgisi boıynsha ınfraqurylymdy jaqsartý úshin qansha qarajat qajet ekendigin anyqtaý qajet», - dedi ol.
Aımaq basshysy Danıal Ahmetov bul usynysty maquldap, apyl-ǵupyl qurylys jumystaryn boldyrmaý kerektigin aıtty. Óz sózinde ol naqty bas jospar ázirlengenge deıin jańa jer telimderin berýdi jáne onda qurylys jumystaryn júrgizýge ruqsat berýdi toqtata turý qajettigin jetkizdi.