Keshe Ábilhan Qasteev atyndaǵy QR Memlekettik óner mýzeıinde qylqalam sheberi, QR Sýretshiler odaǵynyń múshesi Sadyǵulov Raqymjan Seıtkendirulynyń «BUL – MENİŃ ÁLEMİM» atty jeke kórmesi ashyldy.
Kórmege sýretshiniń ár jyldary jazylǵan keskindeme, grafıka jáne gobelennen quralǵan 70-ke jýyq týyndysy qoıylǵan. Raqymjan Sadyǵulov – 150-den astam iri jumystyń, onyń ishinde keskindemelik serıalyq «Abylaı han», «Muhamed-Haıdar Dýlatı» men «Jer álemine beıbitshilik», «Jańa qala», «Meniń baǵym», «Tomırıs», «Shamandar», «Máńgilik», «Ańyraqaı shaıqasy» atty gobelenderdiń avtory.
Sondaı-aq, teorıa men praktıkany, arnaıy pánderdi oqytý ádistemesin jetik meńgergen deńgeıi joǵary kásibı maman, «Sándik-qoldanbaly óner» mamandyǵy boıynsha birneshe oqý-ádistemelik quraldynyń, ǵylymı maqalalardyń jáne «Beıneleý óneri mamandandyrylǵan termınderiniń qazaqsha-oryssha-aǵylshynsha túsindirme sózdiginiń», O.Tańsyqbaev shyǵarmashylyǵyna arnalǵan kitaptyń avtory.
Osyndaı óner ıesiniń Qasteev mýzeıiniń tórinen oryn alǵan biregeı týyndylary kórmede 16 aqpanǵa deıin turady. Kórme jetekshisi – Laýra Ábildaeva.