Prezıdent Joldaýynda mynaýysy qate boldy-aý deıtindeı eshteńe joq.
Mundaı pikirdi Qazaqstannyń Eńbek sińirgen qaıratkeri, jazýshy Kádirbek Segizbaı bildirdi, dep habarlaıdy Almaty-akshamy.kz.
«Bul Joldaý shyn mánindegi halyqtyń kútken jańalyǵy, jaqsylyǵy kóp joldaý boldy.Ózi sanap turyp toǵyz pýnkt shyǵardy. Mynaýysy qate boldy-aý deıtin eshteńesi joq. Eń aldymen aıtarym - mynaý zań máselesin jolǵa túsirý. Sosyn kópten beri aıtylyp júrgen áıelder jyl saıyn, aı saıyn aıtyp júrgen 2-3 aıdan qosylyp otyratyn zeınetke shyǵarý jasy. Qazir 61 dep bir jyl ótkizip tastady. 61 degen tym kárilik jasy emes, tym jas ta emes, orta shenindegi dáli ǵoı dep oılaımyn. Sondyqtan búkil Qazaqstannyń áıel qaýymy osy habarǵa qatty qýanyp jatqan shyǵar degen oı bar», - deıdi Qazaqstannyń Eńbek sińirgen qaıratkeri, jazýshy Kádirbek Segizbaı.