Parlamentke eń laıyqty adamdardyń saılanǵany mańyzdy
Bul jaıyndaǵy pikirdi Reseı jáne Belarýs Odaǵy parlamenttik assambleıa mısıasynyń baqylaýshysy Svetlana Lúbeskaıa aıtty, dep habarlaıdy Almaty-akshamy.kz BAQ.KZ-ke silteme jasap.
«Bizdiń mısıa Qazaqstandaǵy saılaý naýqanyna birinshi ret qatysyp otyrǵan joq. Búgingi tańda mısıamyz - jergilikti ókildi organdar men Májilis saılaýyn baqylaýǵa daıyndyq ústinde. Mısıa ókilderi Astana men jergilikti óńirlerdegi saılaýdy baqylaýdy josparlap otyr», - dedi Svetlana Lúbeskaıa.
Baıqaýshy OSK tarapynan uıymdastyrylǵan is-sharalar tynysh ári tártipti jaǵdaıda ótetinin ári halyqaralyq talaptarǵa saı keletinine úmitte atap ótti.
«Bul - erkin, árkim óz pikirin aıtýǵa múmkindik beretin saılaý. OSK ótkizip jatqan is-sharalar qazaqstandyqtarǵa ózderiniń saılaý quqyqtaryn tolyqtaı júzege asyrýǵa múmkindik beredi dep oılaımyz», – dedi Reseı jáne Belarýs Odaǵy parlamenttik assambleıa mısıasynyń baqylaýshysy.
Qazaqstan Respýblıkasy Parlamentimen baılanys jónindegi depýtattyq toptyń úılestirýshisi Vıktor Selıverstovtyń aıtýynsha, saılaýdyń joǵary deńgeıde ótýi mańyzdy.
«Saılaýdyń joǵary deńgeıde ótýi mańyzdy. Biz respýblıkada jańa saılaý formasy, jeti partıa, aralas saılaý júıesi, kandıdattardyń kóptigin baıqap otyrmyz. Búgin bir mandatqa shamamen 15-16 adam qujat tapsyryp jatqanyn estidik. Bul eń joǵary básekelestik. Árıne, Parlamentke eń laıyqty adamdardyń saılanǵany mańyzdy», - dedi Vıktor Selıverstov.
Eske salaıyq, 18 naýyz saǵat 00:00 bastap saılaýǵa deıingi bir kún tynyshtyq bastaldy.