Týrızm jáne sport vıse-mınıstri Mıras Tólebaev Qazaqstanda býkmekerlik keńselerdiń jarnamasyn qalaı baqylaıtynyn túsindirdi.
“Jarnama týraly" Zań aıasynda elimizde býkmekerlik keńseler men oıyn jarnamalaryna tolyq tıym salý qarastyrylyp jatyr , dep habarlaıdy Almaty-akshamy.kz
“Jarnamalarǵa qarsy kúres eki júıemen: avtomattandyrylǵan jáne fızıkalyq túrde de iske asyrylyp jatyr. Zań aıasynda barlyq býkmekerlik keńse, kazıno jarnamasyna tolyq tyıym salý qarastyrylǵan. Sport mınıstrligi, Aqparat jáne sıfrlandyrý mınıstrligi quqyqqa qaıshy kontentti qamtıtyn kez kelgen ınternet-resýrs, jeliler men telekomýnıkasıalarǵa turaqty monıtorıń júrgizedi. Saıttardan atyp shyǵatyn qalqymaly jarnamalardyń da quqyq normalary, lısenzıasy tekseriledi. Avtomattandyrylǵan rejımde bul "Kıbernadzor" aqparattyq júıesiniń jelisi boıynsha júrgiziledi. Qazir bul "Kıbernadzor" júıesi eleýli tehnıkalyq jáne baǵdarlamalyq jańartýdan ótip jatyr. 1-2 kún ishinde qaıta paıdalanýǵa engizgennen keıin jarnamanyń kez kelgen túri buǵattalady”, – dedi ol.