Býkıngem saraıy jóndeý jumystaryna baılanysty aldaǵy úsh jylda memlekettik saparlardy qabyldamaıdy.
2027 jylǵa deıin barlyq memlekettik saparlar Vındzor qamalynda ótedi. Býkıngem saraıynyń jabylar aldyndaǵy sońǵy qonaǵy jeltoqsan aıynda baratyn Katar ámiri bolmaq, dep habarlaıdy aqshamnews.kz.
Saraıdyń qalpyna keltirý jumystary júrip jatyr jáne on jylǵa sozylady. Jóndeýge 369 mıllıon fýnt sterlıń (230 mıllıard 427 mıllıonǵa jýyq teńge) jumsalmaq.
Jóndeý kezinde eń sándi zaldardyń keıbiri jabylady. Basylym málimetinshe, jóndeý jumystaryna baılanysty brıtan koroli Charlz III jeke kabıneti men tamaqtaný ornyn aýystarǵan.
Londondaǵy Býkıngem saraıy Brıtandyq tájdiń negizgi resmı rezıdensıasy sanalady. Ǵımaratta 775 bólme bolsa, onyń 19-y memlekettik qabyldaýlar men is-sharalarǵa arnalǵan.
Sonymen qatar Býkıngem saraıynda 92 oqý bólmesi men 78 ájethanasy, monarhqa, koróldik otbasy men qonaqtarǵa arnalǵan 52 jatyn bólme jáne qyzmetkerlerdiń 188 jatyn bólmesi bar.
Vındzor saraıy aǵylshyn okrýgi Berkshırde ornalasqan. Gotıkalyq stıldegi tas ǵımaratty 11 ǵasyrda sáýletshi Hú Meı salǵan.
Saraı birneshe ret qaıta salyndy. Sońǵy ret 1992 jyly órtten keıin qalpyna keltirilip, zamanaýı kelbetke ıe boldy.