Modernızasıa jáne rekonstrýksıa jumystary aıasynda vokzal ǵımarattaryn qalpyna keltirý men jóndeý, sondaı-aq, ınjenerlik júıelerdi jańartý jumystary atqarylmaq, dep habarlaıdy aqshamnews.kz.
«Jóndeý jumystary aıaqtalǵan soń vokzaldardyń ótkizý qabileti artyp, zamanaýı kútý zaldary, ınternet, aqparattyq júıeler men arnaıy servıster paıda bolady dep kútilýde», – dep atap ótti kólik vıse-mınıstri Maqsat Qalıaqparov.
Qazaqstandyqtar men sheteldik qonaqtar arasynda joǵary suranysqa ıe týrısik lokasıalarda ornalasqan 21 temirjol vokzaly da jóndeý jumystarymen qamtyldy.
«İri qalalardaǵy vokzaldarmen qatar, eldi mekender men shalǵaı aýdandarda ornalasqan nysandardy da qamtydyq. Máselen, Shyǵys Qazaqstan óńirindegi barlyq 5 vokzal, Aqmola oblysynda – 16, Atyraý oblysynda – 9, Almaty oblysynda – 5, Aqtóbe oblysynda – 7, Abaı oblysynda – 10, Jetisý oblysynda – 8, Batys Qazaqstan óńirinde – 4, Qaraǵandy oblysynda – 11 jáne basqa da óńirlerdegi vokzaldar da jańartylady», – dedi kólik vıse-mınıstri.
Atalǵan jobalardy iske asyrý barysynda otandyq materıaldardy paıdalanýǵa basymdyq beriledi. Bul ishki ekonomıkanyń damýyna jáne jergilikti óndirýshilerdi qoldaýǵa yqpal etedi.