Meteorologıalyq ahýal birqalypty
27 tamyzda Qazaqstannyń kóptegen qalalarynda qolaıly meteorologıalyq jaǵdaı saqtalady, dep habarlaıdy Almaty-akshamy.kz.
«Qazgıdromet» RMK baspasóz qyzmeti taratqan málimetke sensek, 27 tamyz, senbi kúni elimizdegi qalalardyń basym kópshiliginde meteorologıalyq ahýal birqalypty bolady.
Tek Nur-Sultan, Almaty jáne Aqtóbe qalalarynda ǵana aýa sapasy birshama nasharlaıdy.
Qolaısyz meteorologıalyq jaǵdaı - atmosferalyq aýanyń betki qabatynda zıandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.