«Qazgıromet» taratqan derekterge qaraǵanda, áli de, atmosferalyq frontaldy bólikterdiń ótýine baılanysty Qazaqstannyń basym bóliginde kún qubylmaly bolady, dep habarlaıdy almaty-akshamy.kz
Jańbyr jaýyp, elimizdiń soltústik-batysynda, shyǵysynda, ońtústik-shyǵystyń taýly aýdandarynda qatty jańbyr jaýyp, naızaǵaı oınap, burshaq jaýady, daýyl turady. Tek Qazaqstannyń batysynda ǵana kún jaýyn-shashynsyz bolady.
Respýblıka boıynsha jel kúsheıedi, elimizdiń ońtústiginde jeldiń sońy shańdy daýylǵa ulasady. Qazaqstannyń soltústiginde túngi jáne tańerteńgi saǵattarda tuman túsedi.
Kúndiz Atyraý, Batys Qazaqstan oblystarynda 35-38°S ystyq. Mańǵystaý oblysynda 38-41°S ystyq bolady.
Aqmola, Atyraý, Batys Qazaqstan oblystarynda, Soltústik Qazaqstan oblysynyń batysynda, shyǵysynda joǵary órt qaýipi saqatalady, Pavlodar oblysynyń ońtústiginde, shyǵysynda joǵary órt qaýipi kútiledi.
Mańǵystaý, Túrkistan, Almaty, Jambyl, Qyzylorda, Shyǵys Qazaqstan, Qaraǵandy, Ulytaý, Jetisý, Abaı oblystarynda, Qostanaı oblysynyń ońtústiginde, Aqtobe oblystarynyń ortalyǵynda ońtústiginde, Atyraý oblysynyń batysynda, shyǵysynda, Aqmola oblysynyń ońtústiginde, batysynda tótenshe órt qaýipi saqtalady.