Saıası qýǵyn-súrginge ushyraǵandar sany 5 mln-nan asady.
Tarıh ǵylymdarynyń doktory, qurbandardy tolyq aqtaý jónindegi memlekettik komısıa múshesi Zıabek Qabyldınov osyndaı derekter keltiredi, dep habarlaıdy Almaty-akshamy.kz 24.kz-ke silteme jasap.
Onyń ishinde birneshe márte qýdalanyp, bılikten teperish kórgen tulǵalar da bar.
Ǵalym: «barlyǵyn qosa sanaǵanda 5 mln derekti anyqtadyq», – deıdi.
2020 jyly Prezıdent pármenimen arnaıy jumys toby qurylǵan edi. Tarıhtyń aqtańdaq tusyn zerttep, bozdaqtardy aqtaýǵa 425 ǵalym tartyldy. Olar ǵylymı jańalyqtaryn 72 tom kitap etip jazyp shyqty.
Zıabek Qabyldınov, QR BǴM Sh. Ýálıhanov atyndaǵy Tarıh jáne etnologıa ınstıtýtynyń dırektory:
Aldyn ala jobalap shyǵarǵan sıfra osy qýǵyn-súrginge, onyń ishinde baılar bar, onyń ishinde kýlaktar bar, onyń ishinde departasıalanǵan halyqtar bar, onyń ishinde sol respýblıkadan basqa respýblıkaǵa qashqandar bar, onyń ishinde tóre tuqymdary bar, aǵa-sultandar bar. Solardyń bárin sanaǵanda bir 5 mln sanyna jetip qaldy. Onyń sany nege kóp ekenin túsindirip aıtaıyn. Eki, úsh, tipti tórt ret zańǵa tartylyp qýdalanǵandardy sanaǵanda sıfra úlken bolyp tur. Ony endi tolyq anyqtap, 3-4 ret emes, bir ret sanaǵanda qansha shyǵatyny – ol bolashaqtyń zertteýi.