Búgin ánshi, kompozıtor, mýltıınstrýmentalıst, Qazaqstannyń halyq ártisi Dımash Qudaıbergenniń týǵan kúni, dep habarlaıdy aqshamnews.kz.
Talantty ánshi túrli halyqaralyq baıqaýlarda úzdik atandy. 2013 jyly «Meıkın Azıa» İ Halyqaralyq festıvaliniń jeńimpazy boldy. Vıtebsk qalasynda ótken XXIV Halyqaralyq «Slaván bazary-2015» estradalyq án oryndaýshylar baıqaýynda Gran-prı jeńip aldy.
2015 jyly Ystanbulda Dımash Qudaıbergen «Abu TV» Halyqaralyq Azıa-Tynyq muhıt festıvalinde Qazaqstan atynan alǵash ret qatysty. Al 2017 jyly Qytaıda ótken «I’am singer» jobasynda ánshi dúıim jurtty tánti etti.
Dımash Qudaıbergen 5 jasynan bastap fortepıanoda oınaýdy úırengen. Ol serb, ıtalán, fransýz, aǵylshyn, orys t.b tilderde án oryndaıdy.
Dımashtyń tań qaldyrarlyq erekshe daýysy bar.
Ol bir konsertte fortepıanonyń klavıshteri joq, 7 oktavaǵa bolatyn Fa notasyn alyp, kúlli álemdi aýzyna qaratty. Mamandar daýysty mundaı deńgeıge kóterý óte qıyn ekenin bir-birimen jarysa jazyp, tańdanysyn jasyrmady.
Gınnes rekordtar kitabynda eń uzaq oryndalǵan nota 20,2 sekýndqa jetetin bolsa, Dımash jasóspirim kezinde-aq bir notany 23 sekýndqa deıin sozyp oryndaı alǵan.
Dımash 2021 jyly THE 100 MOST ATTRACTIVE ASIAN CELEBS reıtıńinde top jaryp, Azıanyń eń symbatty jigiti atandy.
Búginde ónerpazdyń mıllıondaǵan jankúıeri bar.
Dımashtyń 30 jasqa tolýyna oraı, álemniń túkpir-túkpirindegi jankúıerleri qazaq tilinde án shyrqaǵan bolatyn. Sol kezde «Mahabbat Ber Magan» kompozısıasyn qazaq tilinde 21 elden kelgen 98 jankúıer oryndaǵan.
Dımash Qudaıbergen óziniń taýdaı talaby, birtýar talantymen elimizdiń atyn asqaqtatyp, álemge tanytyp keledi.
Esterińizge sala keteıik, eki kúnnen keıin Almatyda Dımash Qudaıbergenniń fan kezdesýi ári konserti ótedi.