Elimizde qazan aıynyń birinshi jeksenbisi uzaq ýaqyt boıy Muǵalimder kúni bolyp keldi.
2023 jyly tıisti qaýlyǵa ózgerister engizilip, mereke turaqty kúnge ıe boldy, dep habarlaıdy aqshamnews.kz
Dúnıejúzilik muǵalimder kúnin bekitýge 1966 jyly 5 qazanda Parıjde ótken Muǵalimderdiń mártebesi týraly arnaıy úkimetaralyq konferensıa uıytqy boldy. Nátıjesinde IýNESKO men Halyqaralyq eńbek uıymynyń ókilderi "Muǵalimderdiń mártebesine qatysty usynystar" qujatyna qol qoıdy. Dúnıejúzilik muǵalimder kúni alǵash ret 1994 jyly 5 qazanda atap ótildi.
Oqý-aǵartý mınıstrliginiń málimetinshe, búgingi tańda elimizde barlyq bilim berý uıymdarynda 600 myńǵa jýyq pedagog eńbek etýde. Onyń ishinde 399 247 pedagog mektepterde, 41 155 pedagog tehnıkalyq jáne kásiptik bilim berý uıymdarynda sabaq beredi. Mektepke deıingi mekemelerde 100 566 tárbıeshi jumys isteıdi.
Elimizde 2019 jyly "Pedagog mártebesi týraly" QR Zańy qabyldandy, ol pedagogterdiń jalaqysyn kóterýdi, tıisti fýnksıalarǵa sáıkes kelmeıtin júktemeler men tekserýlerden bosatýdy, pedagogterdiń áleýmettik mártebesin arttyrýdy, oqý júktemesin qysqartýdy, eńbek demalysyn uzartýdy jáne pedagogtar úshin ózge de yntalandyrýdy belgileýdi kózdeıdi.