Búgín memlekettík rámízderdíń qabyldanǵanyna 33 jyl toldy.
Qazaqstan Respublıkasynyń memlekettík rámízderí - Tu, Eltańba jáne Ánūran - elímízdíń egemendígí men ūlttyq bíregeılígín bíldíretín asa mańyzdy nyshandar. Olardyń tarıhy - Qazaqstannyń táuelsíz el retínde qalyptasu jolyndaǵy sayası jáne ruhanı damuynyń kórínísí. Qazaqstan 1991 jyly Táuelsízdígín jarıyalaǵannan keıín, jas memleketke ózíníń derbes rámízderín jasau qajettígí tuyndady. 1992 jyly 4 mausymda Qazaqstan Respublıkasynyń Joǵarǵy Keńesí memlekettík Tu, Eltańba jáne Ánūran turaly arnaıy qauly qabyldap, olar resmı túrde bekítíldí. Būl kún elímízdíń tarıhyndaǵy mańyzdy beles boldy jáne keıínírek Memlekettík rámízder kúní retínde belgílendí.
MEMLEKETTÍK TU
Qazírgí Tudyń avtory - belgílí suretshí Sháken Nıyazbekov. Tudyń negízgí túsí – kógíldír (ashyq kók), ol beıbítshílíktí, ashyq aspandy jáne túrkí halyqtaryna tán erkíndík ūǵymyn bíldíredí. Tudyń ortasynda kún beınesí men onyń astynda qyran qūs (búrkít) beınelengen. Būl - jarqyn bolashaqqa ūmtylu men erkíndíktíń sımvoly. Al sol jaǵynda ornalasqan ūlttyq órnek - qazaq halqynyń mádenı-ruhanı mūrasyn tanytady.
ELTAŃBA
Memlekettík Eltańba baıqauyna 245 joba ūsynylǵan. Sonyń íshínen Jandarbek Málíbekov pen Shot-Aman Uálıhanov ázírlegen nūsqa tańdaldy. Eltańbanyń júregínde shańyraq beınelengen - būl otbasynyń, bírlíktíń, memlekettílíktíń sımvoly. Ony uyqtar qorshap tūr, olar qoǵamnyń tūraqtylyǵyn bíldíredí. Ekí jaǵynda qanatty tūlparlar beınelengen. Būl - halyqtyń arman-mūratyn, qıyalyn bíldíretín mıfologıyalyq beıne. Joǵarǵy jaǵynda jūldyz, tómengí bólígínde «QAZAQSTAN» jazuy ornalasqan. Eltańba - qazaq halqynyń dúnıetanymyn, tarıhyn jáne bolashaqqa degen senímín kórsetetín kúrdelí árí tereń mazmūndy nyshan.
ÁNŪRAN
1992 jyly qabyldanǵan alǵashqy Memlekettík Ánūrannyń muzykasy Mūqan Tólebaev, Evgenıı Brusılovskıı jáne Latıf Hamıdıge tıesílí bolatyn. Al mátíníne bírneshe aqyn atsalysqan. Degenmen halyq arasynda keńínen taralǵan, ruhty kóteretín «Meníń Qazaqstanym» ání 2006 jyly Ánūran retínde jańartylyp bekítíldí. Ánníń avtory - kompozıtor Shámshí Qaldayaqov, sózín jazǵan - Jūmeken Nájímedenov. Táuelsízdík dáuírínde mátínge Nūrsūltan Nazarbaev túzetuler engízíp, ánūrannyń resmı mátíní sol kúıde qabyldandy.
ZAŃNAMA
Qazaqstan Respublıkasynyń Konstıtutsıyasynda jáne «Memlekettík rámízder turaly» zańda rámízderge qatysty naqty normalar bekítílgen. Ár azamat olardy qūrmetteuge, dūrys qoldanuǵa míndettí. Tudy nemese Ánūrandy būrmalau - zańmen jazalanatyn qūqyqbūzushylyq.
QYLMYSTYQ JAUAPKERShÍLÍK
QR Qylmystyq kodeksíníń 372-babyna sáıkes, Qazaqstan Respublıkasynyń Memlekettík Tuyn, Memlekettík Eltańbasyn nemese Memlekettík Ánūranyn qorlau - qylmys bolyp sanalady. Būl bap boıynsha:
Rámízderdí qorlaǵan adam 2000 aılyq eseptík kórsetkíshke (AEK) deıíngí mólsherde aıyppūlǵa, ne sol mólsherde túzeu jūmystaryna, ne 600 saǵatqa deıíngí qoǵamdyq jūmystarǵa, ne 2 jylǵa deıín bas bostandyǵyn shekteuge nemese bas bostandyǵynan aıyruǵa tartyluy múmkín.
ÁKÍMShÍLÍK JAZA
Eger áreket qylmystyq qūramǵa jetpese, keı jaǵdaıda būl qūqyqbūzushylyq Ákímshílík qūqyqbūzushylyq turaly kodekstíń 434-baby (“Ūsaq būzaqylyq”) boıynsha qaraluy múmkín. Mūnda da aıyppūl nemese qamauǵa alu túríndegí jaza qoldanylady.
HALYQARALYQ ARENA
Qazaqstannyń memlekettík rámízderí halyqaralyq arenada elímízdíń bet-beınesín tanytady. Álemdík sporttyq saıystarda kók Tu kóterílíp, Ánūran oryndalǵan sátter - el abyroıynyń kórínísí. Būl - rámízderdíń tek íshkí emes, syrtqy sayasattaǵy da rólín kórsetedí.