Sebebi,14 aqpan – Halyqaralyq kitap syılaý kúni.
Mundaı mereke 2012 jyldan beri toılanyp keledi. Dese de bul kún jaıly kópshilik bile bermeıdi. Esesine, áýlıe Valentın kúnin atap ótýshiler bizdiń elde de tabylyp jatady. Degenmen kitapqumar adamdar úshin bul kúntizbede oıyp turyp oryn alar mereke eken. Bul kúni adamdar bir-birine kitap syılap, sol týraly áńgimelep atap ótedi. Kitap dúkenderi men kitaphanalarda da arnaıy sharalar uıymdastyrylady.
Osyndaı rýhanı merekeniń paıda bolýyna amerıkalyq Emmı Brodmýr esimdi ǵajaıyp áıel sebepker bolǵan. Ol ózi – úsh balanyń anasy ári balalarǵa arnalǵan kitaptar saıtynyń ıesi. Bir kúni odan kishkentaı uly «Anashym, adamdar bir-birine kitap beretin kún nege joq?» dep suraıdy. Balasynyń osy suraǵy Emmıdiń jańa merekeni bastaýyna túrtki bolady. Emmı Brodmýr sol kúni tanystary men tanymal adamdarǵa jazyp, osy kúndi nasıhattaýǵa kirisedi.
Bul kúni, eń aldymen, balalarǵa, sondaı-aq qandaı da bir sebeptermen kitap oqýǵa múmkindigi shekteýli balalarǵa kitap berý ádetke aınalǵan. Alaıda, kitap oqýdy tek balalar ǵana emes, eresekter de jaqsy kóredi. Baqytymyzǵa oraı, kóptegen eresekter kitapty tek materıaldyq emes, eń aldymen rýhanı qundylyq retinde túsinedi jáne baǵalaıdy, avtor oqyrmanǵa beretin sezimder men emosıalardy baǵalaıdy. Balalar óz kezeginde jaqsylyqty, dostyqty, jaqynyna degen súıispenshilikti, janashyrlyq sezimin jáne balanyń adam bolýyna kómektesetin kóptegen nárselerdi úırenedi.