10 qańtar, ıaǵnı dúısenbi – Qazaqstanda Jalpyulttyq aza tutý kúni.
Prezıdent Qasym-Jomart Toqaev osyndaı Jarlyqqa qol qoıǵan bolatyn.
Lańkesterdiń qolynan qarapaıym qazaqstandyqtar da, quqyq qorǵaý qyzmetkerleri de qaza tapty. Tártip boıynsha Jalpyulttyq aza tutý kúni memlekettik organdar men jergilikti ákimdikterdiń, shekaralyq dıplomatıalyq mekemelerdiń ǵımaratyndaǵy Memlekettik tý tómen túsiriledi. Oıyn-saýyqtyq sharalar men osy mazmundaǵy telebaǵdarlamalar toqtatylady. Táýelsizdik alǵan 1991 jyldan beri Qazaqstanda aza tutý kúni osymen 11-shi ret jarıalanyp otyr. Al bul qazaqstandyqtar úshin sońǵy eki jyldaǵy tórtinshi qaraly kún.
Prezıdent eldegi jaǵdaıǵa baılanysty birqatar tapsyrma berdi.
Buǵan deıin Úkimet otstavkaǵa ketken bolatyn. Premer-Mınıstrdiń qyzmetin ýaqytsha Álıhan Smaıylov atqarady. Erlan Qarın Memlekettik hatshy bolyp taǵaıyndaldy. Al Almaty men Mańǵystaý oblysynda tótenshe jaǵdaı rejımi engizildi. Jalpy, buǵan deıin Qazaqstanda tótenshe jaǵdaı neshe ret jarıalandy? Tótenshe jaǵdaı kezinde neni bilý kerek?
Buǵan deıin aıtylǵandaı, gaz baǵasyn arnaıy komısıa retteıdi. Al Senat tóraǵasy narazylyq sharasy dıalog negizinde sheshilý kerektigin aıtqan. Sondaı-aq gaz baǵasynyń kóterilýine qatysty tergeý júrip jatyr.