Bul kún 2003 jyly BUU Bas Assambleıasynyń sheshimi boıynsha sybaılas jemqorlyq máselesi týraly aqparattandyrýdy arttyrý jáne osy qubylyspen kúresý úshin halyqaralyq qoǵamdastyqtyń kúsh-jigerin jumyldyrý maqsatynda belgilendi, dep habarlaıdy almaty-akshamy.kz Zakon.kz-ke silteme jasap.
Halyqaralyq sybaılas jemqorlyqqa qarsy kúres kúni jyl saıyn 9 jeltoqsanda atap ótiledi.
Sybaılas jemqorlyq - bul ómirdiń ártúrli salalaryn, sonyń ishinde saıasatty, bıznesti, bilim berý jáne basqa salalardy qamtıtyn qubylys. Bul qoǵamnyń ınstıtýttarǵa degen senimine, damýǵa nuqsan keltiredi jáne teńsizdikke ákelip soǵady. Halyqaralyq sybaılas jemqorlyqqa qarsy kúres kúni memleketterge, úkimetterge, uıymdar men azamattarǵa sybaılas jemqorlyqqa qarsy óz ustanymdaryn biraýyzdan bildirýge jáne osy saladaǵy tájirıbe men ıdeıalarmen almasýǵa múmkindik beredi.
2023 jyly osy zulymdyqpen kúresýdiń tıimdi jáne pármendi quraly bolyp tabylatyn BUU-nyń Sybaılas jemqorlyqqa qarsy konvensıasynyń qabyldanýyna 20 jyl tolýy atap ótiledi. Bas Assambleıanyń qararynda kórsetilgendeı, atalǵan halyqaralyq kúndi belgileýdegi maqsat sybaılas jemqorlyq problemasyn, konvensıanyń sybaılas jemqorlyqtyń aldyn alýdaǵy jáne oǵan qarsy kúrestegi rólin túsindirýdi tereńdetý bolyp tabylady.
Bul kúnniń negizgi mindeti sybaılas jemqorlyq problemasyna jurtshylyqtyń nazaryn aýdarý, sondaı-aq onyń aldyn alý, onymen jahandyq jáne ulttyq deńgeıde kúresý jónindegi sharalardy yntalandyrý bolyp tabylady.
Ranking.kz derekterine súıensek, Transparency International, ıaǵnı sybaılas jemqorlyqty qabyldaý ındeksinde 2022 jyly Qazaqstan 180 eldiń ishinde 101-shi orynǵa ıe bolyp, tek 36 bal jınaı aldy. Al 2021 jyly bul rette elimiz 37 bal ıelengen edi.
Atalǵan reıtıńte QR-men qatar turǵan elderdiń biri - Tanzanıa (38 bal) jáne Malavı (34 bal). Indeksteýde 0-den 100-ge deıingi shkala aralyǵy qoldanylady, munda 0 sybaılas jemqorlyqtyń óte joǵary deńgeıi, al 100 óte tómen deńgeıin bildiredi.