Halyqaralyq bilim kúni 2019 jyldan bastap atalyp ótedi.
Ǵylym jáne joǵary bilim mınıstrligi búgin Halyqaralyq bilim kúni ekenin eske saldy, dep habarlaıdy Almaty-akshamy.kz
BUU-nyń Bas Assambleıasynyń 2018 jylǵy 3 jeltoqsan kúni qararynda 24 qańtar kúnin Halyqaralyq bilim kúni dep jarıalady. Buǵan sebep – osy kúnniń tatýlyq pen damýǵa qol jetkizý barysyndaǵy rolin moıyndaý.
«Barlyǵyna ınklúzıvti jáne teń sapaly bilim berý jáne ómir boıy bilim alý múmkindikterin qamtamasyz etpeıinshe, elder genderlik teńdikke qol jetkize almaıdy jáne mıllıondaǵan balalardy, jastardy jáne eresekterdi artta qaldyratyn kedeılik sıklin buza almaıdy», - delingen BUU-nyń qararynda.
Búginde shamamen 258 mıllıon bala men jasóspirim mektepke barmaıdy;
617 mıllıon bala men jasóspirimde oqý men matematıkanyń qarapaıym daǵdysy joq;
Saharanyń ońtústigindegi Afrıkadaǵy qyzdardyń 40%-dan azy bastaýysh orta bilimdi aıaqtaıdy, al tórt mıllıonǵa jýyq bosqyn balalar men jastar mektepke barmaıdy.