Raqymjan Qoshqarbaev ásker qataryna 1942 jyly alynyp, 1944 jyly Frýnzedegi jaıaý ásker ýchılıshesin bitirdi.
Maıdan dalasyna da osy jyly attanǵan. Batyr maıdanda alǵashqylardyń biri bolyp, Berlınde Reıhstagtyń ústine qyzyl týdy tikti. Raqymjan Qoshqarbaev pen Grıgorıı Býlatov Reıhstagqa deıingi 300 metr qashyqtyqty 7,5 saǵat júrip ótken. Mejege jetken kezde Grıgorıı tý barynsha joǵary jelbiresin dep Raqymjandy ıyǵyna salyp kóteripti. Bul oqıǵany tipti amerıkandyq «Nú-Iork Taıms» gazeti de jazǵan.
Raqymjan Qoshqarbaev soǵystan keıin shyǵarmashylyqpen aınalysa bastady. Onyń eki kitaby jaryqqa shyqqan. Atap aıtqanda, «Jeńis týy» jáne «Daýyl: 1410 kún» derekti povesi. Batyrǵa 1999 jyly Qazaqstannyń Halyq Qaharmany ataǵy berildi.