Naýryzdyń 4-ne arnalǵan aýa raıy boljamy
QR basym bóliginde búgin Jerorta teńizi aýdandarynan keletin sıklonnnyń yqpalyna baılanysty kún qubylmaly bolady, dep habarlaıdy Almaty-akshamy.kz «Qazgıdromet» RMK silteme jasap.
Respýblıkanyń batysynda, soltústik-batysynda, soltústiginde, ońtústik-shyǵysynda jaýyn-shashyn, kóbine jańbyr túrinde, kúndiz oblystyń batysynda nóser jaýyn jaýyp, naızaǵaı oınaıdy.
Elimizdiń ońtústiginde, ortalyǵynda, shyǵysynda kún jaýyn-shashynsyz bolady. Respýblıka boıynsha keı jerlerde jel kúsheıedi, tuman túsedi. Batys Qazaqstan oblysynyń soltústiginde, shyǵysynda tuman túsip, kóktaıǵaq bolady, oblystyń soltústik-batysynda, batysynda jel sekýndyna 15-20 metr jyldamdyqpen soǵady.
Atyraý, Mańǵystaý oblystarynda jeldiń kúsheıýi túnde oblystarynyń batysynda jáne ortalyǵynda 15-20 m/s, kúndiz 15-20 m/s, ekpini 23-28 m/s, kúndiz Mańǵystaý oblysynda keı ýaqyttarda 30 m/s jáne odan asa kútiledi.
Aqtóbe oblysynyń soltústik-shyǵysynda tuman túsip, batysynda jel sekýndyna 15-20 metrge deıin kúsheıedi.
Qostanaı oblysynyń soltústiginde, ońtústiginde tuman, kúndiz oblystyń ońtústiginde kóktaıǵaq bolady.
Aqmola oblysynyń basym bóliginde, Soltústik Qazaqstan, Pavlodar oblystarynyń ońtústiginde, Qaraǵandy oblysynyń soltústiginde, batysynda, ortalyǵynda tuman túsedi.
Túnde jáne tańerteń Shyǵys Qazaqstan oblysynyń batysy men soltústiginde tuman túsedi, oblystyń batysynda jeldiń jyldamdyǵy sekýndyna 15-20 metrge jetedi.
Qyzylorda oblysynyń soltústiginde, ortalyǵynda – tuman, kúndiz oblystyń ortalyǵynda 15-20 m/s jel kúsheıedi.
Jambyl oblysynyń soltústiginde, taýly aýdandarynda tuman túsip, jeldiń jyldamdyǵy sekýndyna 15-20 metrge jetedi.
Túnde jáne tańerteń Almaty oblysynyń shyǵysynda, taýly aýdandarynda tuman kútiledi, kúndiz Jalańashkól aýdanynda 15-20 m/s jel kúsheıedi.
Kúndiz Túrkistan oblysynyń taýly aýdandarynda jel 15-20 m/s kúsheıedi.