Qazgıdromet birneshe óńirde aýa-raıyna baılanysty eskertý jasady.
Eldiń keı aýmaǵynda jańbyr jaýady, birqatar oblystarda kúnniń ystyǵynan órt qaýpi bar, dep habarlaıdy Almaty-akshamy.kz
Qazgıdromet sınoptıkteri 3 shilde, dúısenbige arnalǵan aýa raıy boljamyn jarıalady.
Atmosferalyq fronttardyń áserinen Qazaqstan aýmaǵynyń basym bóliginde naızaǵaı oınap, jańbyr jaýady, soltústik-batysta qatty jańbyr bolady.
Eldiń batysynda, ońtústik-batysynda, shyǵysynda, soltústik-shyǵysynda negizinen jaýyn-shashynsyz aýa raıy saqtalady.
Respýblıka boıynsha jel kúsheıedi, ońtústiginde shańdy daýyl, kúndiz soltústik-batysta burshaq, daýyl, túnde jáne tańerteń soltústikte, ońtústik-batysta tuman bolady.
Almaty, Atyraý, Pavlodar, Soltústik Qazaqstan, Aqmola, Jetisý oblystarynyń basym bóliginde, Qaraǵandy, Ulytaý oblystarynyń ońtústiginde - aptap ystyq.
Túrkistan, Mańǵystaý, Jambyl oblystarynyń basym bóliginde, Aqtóbe, Qaraǵandy, Qostanaı, Almaty, Ulytaý, Jetisý oblystarynyń ońtústiginde jáne Qyzylorda oblysynyń batysynda, shyǵysynda, Atyraý oblysynyń batysynda, Pavlodar oblysynyń soltústiginde tótenshe órt qaýpi kútiledi.
Qyzylorda oblysynyń ortalyǵynda, Batys Qazaqstan oblysynyń batysynda, Abaı oblysynyń soltústik-batysynda, ońtústiginde, Almaty, Soltústik Qazaqstan oblystarynyń basym bóliginde jáne Jetisý oblysynda órt qaýpi joǵary bolady.