2 tamyzǵa arnalǵan aýa raıy boljamy.
Atmosferalyq frontaldy bólikterdiń ótýimen elimizdiń basym bóliginde jańbyr men naızaǵaı boljanady. Tek elimizdiń batysy men soltústik-batysynda jaýyn-shashynsyz kún raıy qalyptasady. Soltústikte túnde jáne tańerteń tuman, kúndiz daýyl, burshaq kútiledi. Respýblıkanyń barlyq aýmaǵynda jel turady, dep habarlaıdy Almaty-akshamy.kz «Qazgıdromet» RMK-ǵa silteme jasap.
Atap aıtqanda, kúndiz Almaty, Jambyl, Túrkistan, Qyzylorda, Atyraý, Jetisý, Abaı, Mańǵystaý, Pavlodar oblystarynda, Ulytaý, Qostanaı, Aqtóbe, Batys Qazaqstan, Shyǵys Qazaqstan, Qaraǵandy oblystarynyń ońtústiginde 35-40°S qatty ystyq kútiledi.
Kúndiz Almaty oblysynda 40-42°S ótte qatty ystyq bolady.
Aqmola, Soltústik Qazaqstan oblystarynda, Batys Qazaqstan oblysynyń ońtústigi men ortalyǵynda, Atyraý oblysynyń soltústiginde órt tutanýdyń joǵary qaýpi bolady.
Mańǵystaý, Túrkistan, Almaty, Jambyl, Shyǵys Qazaqstan, Qaraǵandy, Qyzylorda, Ulytaý, Jetisý, Abaı oblystarynda, Qostanaı, Aqtóbe oblystarynyń ońtústiginde, Atyraý oblysynyń batysy men shyǵysynda, Pavlodar oblysynyń ońtústigi men shyǵysynda, Aqmola oblysynyń ońtústigi men batysynda órt tutanýdyń asa joǵary qaýpi kútiledi.