Qazgıdromet sınoptıkteri 28 shilde, jumaǵa arnalǵan aýa raıy boljamyn usyndy, dep habarlaıdy Almaty-akshamy.kz.
Atmosferalyq fronttardyń áserinen elimizdiń basym bóliginde turaqsyz aýa raıy saqtalady, jańbyr jaýyp, naızaǵaı men burshaq, daýyl bolady.
Tek ońtústikte jáne batysta jaýyn-shashyn joq, kún ashyq.
Respýblıka boıynsha jel kúsheıedi, túnde soltústikte, soltústik-batysta tuman túsedi.
Kúndiz Almaty, Jambyl, Túrkistan, Batys Qazaqstan, Atyraý, Mańǵystaý, Aqtóbe, Jetisý, Ulytaý oblystarynda, Qostanaı oblysynyń ońtústiginde 35-38°S qatty ystyq bolady.
Kúndiz Mańǵystaý, Atyraý, Aqtóbe, Batys Qazaqstan oblystarynda 42-43°S óte qatty ystyq bar.
Batys Qazaqstan, Mańǵystaý, Soltústik Qazaqstan, Aqmola oblystarynda, Atyraý oblysynyń soltústiginde órt qaýpi joǵary.
Almaty, Túrkistan, Jambyl, Shyǵys Qazaqstan, Qaraǵańdy, Aqtóbe, Ulytaý, Jetisý, Abaı oblystarynda, Qyzylorda oblysynyń ortalyǵynda, shyǵysynda, Pavlodar oblysynyń ońtústiginde, batysynda, Qostanaı oblysynyń ońtústiginde, Atyraý oblysynyń batysynda, shyǵysynda, ońtústiginde, Aqmola oblysynyń ońtústiginde, batysynda tótenshe órt qaýpi saqtalady.