Jyl saıyn qazan aıynyń birinshi dúısenbisinde kóptegen elderde Halyqaralyq dárigerler kúni (International Doctor's Day) atap ótedi, dep habarlaıdy aqshamnews.kz.
Biz dárigerlerimizdiń jetistikterin maqtan tutamyz, olar kún saıyn adamdarǵa aýrýlardy jeńýge, densaýlyqty qalpyna keltirýge kómektesedi, ómirdi jalǵastyrýǵa úmit beredi.
Ótken jyldyń ózinde 3 mln qazaqstandyq stasıonarlarda medısınalyq kómek aldy. 90 mıllıonnan astam adam bizdiń emhanalarǵa júgindi, sátti bosaný nátıjesinde 360 myńnan astam náreste dúnıege keldi. Jedel medısınalyq kómek dıspecherleri 8 mln. shaqyrtý qabyldady.
Bul nátıjelerge 270 myńnan astam medısına qyzmetkeriniń qajyrly eńbeginiń arqasynda qol jetkizildi, onyń 80 myńnan astamy – dıplomy bar dárigerler.