10 qarashada Qazaqstannyń barlyq derlik aýmaǵynda qolaıly meteorologıalyq jaǵdaı qalyptasady, dep habarlaıdy almaty-akshamy.kz.
«Qazgıdromet» RMK málimetine súıensek, juma kúni aýa sapasy tek Shymkent qalasynda nasharlaıdy. Ózge qalalarda meteoahýal norma sheginde bolady.
Qolaısyz meteorologıalyq jaǵdaı – atmosferalyq aýanyń betki qabatynda zıandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.