Almaty qalasynyń Tótenshe jaǵdaılar departamenti (TJD) úndeý jasady.
Qala turǵyndary men qonaqtaryna sırenalar qosylatyny týraly eskertildi, dep habarlaıdy aqshamnews.kz
Taratylǵan aqparatqa sáıkes, Almaty qalasy TJ Departamenti aǵymdaǵy jyldyń 26 shildesinde saǵat 10.00-de jer silkinisi týyndaǵan jaǵdaıda Almaty qalasynyń turǵyndaryn habardar etý boıynsha komandalyq-shtabtyq oqý-jattyǵý (KSHOJ) ótkizedi.
Qulaqtandyrý júıesin tekserý barysynda tehnıkalyq eskertý júıesiniń quraldary keshenin qysqa ýaqytqa qosylady (sırena qondyrǵylary, teleradıokanal arqyly jáne mobıldi júktemeler)
"Barlyǵyna nazar aýdaryńyz!!!"- bul TJ qaýpi týyndaǵan jaǵdaıda barlyq shuǵyl habarlamalardy taratý aldynda halyqtyń nazaryn aýdarý úshin beriletin eskertý biryńǵaı sıgnaly.
Dybystyq sıgnaldy estigennen keıin teledıdarlar men radıoqabyldaǵyshtardy qosý kerek, ınternet-resýrstardaǵy jáne mobıldi qosymshalardaǵy aqparatty alys qashyqtyqqa nusqaýlar alý úshin oqý kerek.
Komandalyq-shtabtyq qulaqtandyrý jabdyqtarynyń daıyndyǵyn tekserý oqý-jattyǵýy halyqty habardar etý jáne TJ-dan qorǵaý maqsatynda júrgiziledi.