Sınoptıkterdiń boljaýynsha, kóshpeli bult shyǵady, jaýyn-shashyn bolmaıdy.
«Qazgıdromet» RMK Almaty qalasy men Almaty oblysynda 24 qarashaǵa arnalǵan aýa raıy boljamyn usyndy, dep habarlaıdy Almaty-akshamy.kz
«Almatyda kóshpeli bult shyǵady, jaýyn-shashynsyz, jel 5 m/s kúsheıedi. Aýa temperatýrasy kúndiz +12+14°S, túnde 1-3° jyly bolady», - delingen habarlamada.
Taldyqorǵanda kóshpeli bultty, jaýyn-shashynsyz, jel 5-10 m/s. Kúndiz termometrler 11-13 gradýsqa deıin, túnde 2 gradýs aıazǵa deıin jetedi.
Almaty oblysynda jaýyn-shashynsyz. Aýa temperatýrasy kúndiz +11+16°S, oblystyń soltústiginde jáne taýly aımaqtarda +7°S. Túnde -2+3, oblystyń soltústiginde jáne taýly aımaqtarda -5-10°S. Alakól kólderi aımaǵynda jel 15-20 m/s-qa deıin kúsheıedi.