Azıa chempıonatynyń ekinshi oıyn kúni
Búgin, 12 sáýirde, Astana qalasynda áıelder kúresinen Azıa chempıonatynyń ekinshi oıyn kúni ótkiziledi, dep habarlaıdy Almaty-akshamy.kz QazAqparatqa silteme jasap.
Bul kúni 53, 57, 62, 65, 72 keli salmaqta júldeler sarapqa salynady.
El quramasynan Altyn Shaǵaeva (53 keli), Nılýfar Raımova (57 keli), Irına Kýznesova (62 keli), Albına Qaıyrgeldınova (65 keli), Jámıla Baqbergenova (72 keli) synǵa túsedi.
Qazaqstandyq sportshylar sapynan alǵashqy beldesýinde Altyn Shaǵaeva taıpeılik Se Men-súanmen sheberlik baıqassa, Nılýfar Raımova da sol eldiń ókili Chen Iýı-hanmen kezdesedi.
Al Irına Kýznesovanyń qarsylasy - ońtústikkoreıalyq Djo Sý-ven.
El quramasynan Albına Qaıyrgeldınova japonıalyq Mahıro Ósıtake jáne qyrǵyzstandyq Dılnaz Sazanovamen birge jarystyń aldaǵy satysyna beriletin joldamany sarapqa salady.
Sondaı-aq, Jámıla Baqbergenova shırek fınalda taıpeılik Hýng Pın-senmen saıysqa túsedi.
Aıta ketsek, áıelder kúresinen jarystyń alǵashqy kúninde el quramasynan Elmıra Syzdyqova (76 keli) chempıon atansa, Marına Sedneva (55 keli), Elena Shalygına qola aldy.