«Qazgıdromet» RMK Qazaqstan qalalaryndaǵy aýa sapasyna qatysty boljamyn jarıalady, dep habarlaıdy aqshamnews.kz.
Sınoptıkterdiń boljamy boıynsha, 27 qarashada Almaty, Astana, Aqtóbe, Óskemen, Semeı, Rıdder, Pavlodar, Kókshetaý jáne Petropavl qalalarynda aýanyń lastanýynyń qolaısyz meteorologıalyq jaǵdaılary kútiledi.
Qolaısyz meteorologıalyq jaǵdaılar — atmosferalyq aýanyń betki qabatynda zıandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
Qolaısyz meteorologıalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.