Aleksandr Býblık álemdik reıtıńte rekord jańartty, - dep habarlaıdy Aqshamnews.kz tilshisi.
Qazaqstannyń birinshi raketkasy Aleksandr Býblık kásibı tenısshiler qaýymdastyǵy (ATP) jańartqan álemdik reıtıńte óziniń jeke rekordyn ornatty. Jańa tizimde ol bir saty kóterilip, 16-orynǵa jaıǵasty. Buǵan deıin sportshy 17-orynnan joǵary kóterilgen emes.
Bul jetistik Býblıktiń Qytaıdyń Hanchjoý qalasynda ótken ATP 250 sanatyndaǵy týrnırde jeńiske jetýiniń arqasynda múmkin boldy. Fınalda ol fransıalyq Valenten Rýaıeni tartysty básekede eki sette jeńdi — 7:6, 7:6.
Álemdik reıtıńtiń alǵashqy úshtigi ózgerissiz qaldy:
-
1-oryn — Karlos Alkaras (Ispanıa)
-
2-oryn — Iannık Sınner (Italıa)
-
3-oryn — Aleksandr Zverev (Germanıa)