Oqýshylar saraıynda «Eńbek adamy 2025» jobasy aıasynda túrli salalardyń úzdik ókilderin marapattaý rásimi ótti, - dep habarlaıdy Aqshamnews.kz.
Uıymdastyrýshylardyń aıtýynsha, atalǵan jobanyń maqsaty — adal eńbegimen el damýyna úles qosyp júrgen eńbek adamyn jastar arasynda nasıhattaý, sondaı-aq qoǵamda ónegeli tulǵa beınesin qalyptastyrý. İs-sharaǵa qoǵam qaıratkerleri, máslıhat depýtattary, Qoǵamdyq keńes músheleri, sarapshylar, azamattyq qoǵam belsendileri jáne jastar ókilderi qatysty.
"Memleket basshysy 2025 jyldy Jumysshy mamandyqtar jyly dep jarıalady. Onyń máni - qarapaıym jumysshylardyń eńbegin baǵalap, qoǵamda dáripteý. Búgin marapattalyp otyrǵan adamdar óz jumysyn adal, sapaly atqaryp júr. Solardyń arqasynda elimiz ósip, órkendep keledi. Osyndaı azamattarymyzdy tıisti baǵalaýymyz kerek. Olarǵa qarap jastarymyzda úlgi alady. Almaty ákimdiginiń artynan jasap júrgen eńbekterińiz úshin alǵys bildiremin", - dedi İshki saıasat basqarmasynyń basshysy Aıdar Esenbekov.
Jalpy «Eńbek adamy 2025» jobasy aıasynda 20 maman marapattalyp, qarjylaı syılyq tabystaldy. Olar:
- Erjan Dúkenov - áýe kemeleriniń qozǵalysyn baqylaıtyn dıspecher;
- Aıdarbek Daýletbaev - avtobýs júrgizýshisi;
- Armen Atanaesán - sáýletshi;
- Gúlnur Seısekına - 102 operatory;
- Jaılygúl Dosymbekova - Kamenka ormanshylyǵynyń ınspektory;
- Raısa Kıkbaeva - jol jumysshysy;
- Meıirjan Jumanbaev - teplovoz mashınısi;
- Aıbek Eselbaev - avtozavod brıgadıri;
- Qýat Jarmuhambetov - elektropoezd mashınısi;
- Safıa Aıazbaeva - mýzeıdiń ǵylymı qyzmetkeri;
- Alma Myltyqbaeva - muǵalim;
- Qaırat Nurjaýbaev - órt sóndirýshi;
- Jarylqasyn Abdımambetov - slesar-jóndeýshi;
- Erkin Isabekov - elektrodánekerleýshi;
- Erkesh Júnisov - aktırsa;
- Janar Sadıbekov - ınjener-tehnolog;
- Oksana Mashorına - feldsher;
- Álibek Janysbaev - neırohırýrg;
- Galıa Týlegenova - ekolog;
- Sergeı Saharov - elektrotehnıkalyq qyzmetshi.