Tarazda júrgizýshi kýáliginsiz kólik aıdaǵan 17 jastaǵy jasóspirimge aıyppul salyndy, - dep habarlaıdy Aqshamnews.kz tilshisi.
Tarazda kámeletke tolmaǵan júrgizýshi rólge zańsyz otyryp, jol apatyna sebepker boldy. Oqıǵa 2025 jyldyń tamyz aıynda tirkelgen.
Polısıa dereginshe, 17 jastaǵy jasóspirim Audi C4 kóligin júrgizýshi kýáliginsiz aıdap, jol qozǵalysy erejesin buzǵan. Sonyń saldarynan ol qarsy baǵytta kele jatqan Volkswagen Jetta-ǵa soqtyǵysyp, basqa júrgizýshi jeńil jaraqat alǵan jáne onyń kóligine materıaldyq shyǵyn keltirilgen.
Sot isi Qazaqstan Respýblıkasynyń Ákimshilik quqyq buzýshylyq týraly kodeksiniń 610-babynyń 3-bóligi boıynsha qaraldy.
Sotta jasóspirim kinásin moıyndap, keltirilgen shyǵyndy óteýge daıyn ekenin jetkizdi. Onyń alǵash ret quqyq buzǵany jáne shyn júrekten ókingeni jeńildetetin mán-jaı retinde eskerildi. Nátıjesinde sot oǵan 39 myń teńge kóleminde aıyppul saldy.