1,3%-ǵa tómendep, barreli $111,70 deıin bardy.
Dúısenbi munaı baǵasynyń barreli $1 arzandady. Bul munaıǵa degen suranystyń keleshegine baılanysty ekonomıkalyq qaýip aıasynda oryn aldy, al ınvestorlar Iranmen ıadrolyq kelisimdi qalpyna keltirý úshin G7 kezdesýiniń nátıjesin kútip otyr, dep habarlaıdy Almaty-akshamy.kz QazAqparatqa silteme jasap.
«Brent» markaly munaı fúchersteri $1,42 nemese 1,3%-ǵa tómendep, barreli $111,70 deıin bardy.
«West Texas Intermediate» markaly Amerıka munaıynyń barreli 1,54 dollar tómendep, $106,08 deńgeıin ustap turdy.
Munaıdyń eki markasy da ótken aptadan beri ekinshi ret arzandap jatyr, sebebi ekonomıkanyń mańyzdy salalarynda prosenttik mólsherleme artyp, dollar nyǵaıa túsken.
Soǵan qaramastan munaı baǵasy burynǵysha barreli $100 asyp otyr.
Osy aptada «Úlken jetilik» (G7) elderiniń kóshbasshylary energıa baǵasynyń ósýi jáne reseılik munaı men gaz ımportyn almastyrý problemasyn sheshý nusqalaryn, sondaı-aq ınflásıany kúsheıtpeıtin qosymsha sanksıalardy talqylaıdy.
Bul sharalar Reseı kirisin shekteý jáne basqa elderdiń ekonomıkalaryna zıandy azaıtý maqsatynda Reseı munaıy men munaı ónimderiniń eksporty baǵalaryn shekteýdi qamtıdy.
«Úlken jetilik» elderi Irannyń ıadrolyq baǵdarlamasy boıynsha kelissózderdi qaıta bastaý perspektıvalaryn talqylaıdy.