Qylmys ta jasalǵan bolýy múmkin
Brazılıada ótken jeksenbiden beri iz-túzsiz joǵalyp ketken jýrnalıs pen jergilikti halyqtardyń mádenıetin zerttep júrgen sarapshy izdestirilip jatyr. Brıtandyq Dom Fılıps pen brazılıalyq Brýno Pereır Perýmen shekaraǵa jaqyn mańdaǵy Javarı nýynda joǵalǵan, dep habarlaıdy Almaty-akshamy.kz QazAqparatqa silteme jasap.
«Biz tergeý nusqalarynyń birde-birin eleýsiz qaldyrmaımyz. Eki basty baǵytymyz bar. İzdeý toqtaǵan joq. Qylmys ta jasalǵan bolýy múmkin», - deıdi Amazonas shtaty polısıasynyń bastyǵy Aleksandr Edýardo Fontes.
Euronews—tiń málimetinshe, búginge deıin polısıaǵa 6 adam habar aıtqan.
Jergilikti halyqtar isi jónindegi agenttik ókili Marselo Ksave Vale-dý-Javarıdiń aýmaǵy eki Portýgalıa terıtorıasyna teń ekenin jáne bul aımaqtyń asa qonaqjaı emesin esekerý kerektigin alǵa tartady.
«Eki adam ǵana bolyp, qaýipsizdik organdaryna resmı túrde eskertpesten, jergilikti halyqtar turatyn aýmaqqa kirip ketkeni qıyn jaǵdaı bolyp tur», - deıdi ol.
Adamdar Dom Fılıps pen Brýno Prereıranyń sońǵy ret qaıyqpen serýen quryp júrgenin kórgen. Olardyń izinen ergen er adamdy saqshylar ustap, keıinnen bosatqan.