Koronavırýs. Álemdegi ahýal qandaı?
Covid-19 taralýyna jol bermeý jónindegi VAK koronavırýstyń álemdegi ahýaly týrala aqparatty jarıalady, dep habarlaıdy Almaty-akshamy.kz.
Rıo-de-Janeıro men San-Paýlýdaǵy samba mektepteriniń dástúrli karnavaldyq sherýi koronavırýstyń omıkron shtamynyń taralýyna baılanysty sáýirge aýystyryldy. Sheshimdi eldiń eki iri megapolısiniń merleri Edýard Praıs pen Rıkardo Nýnes birlesip qabyldady.
Grın-passasyz Italıa turǵyndary tek dárihanalarǵa, azyq-túlik dúkenderine jáne úı janýarlaryna arnalǵan dúkenderge bara alady. 1 aqpannan bastap koronavırýsqa testtiń teris nátıjesi negizinde alynǵan kovıd-sertıfıkat bankterdiń bólimshelerine, poshta men memlekettik mekemelerdiń keńselerine barý úshin qajet bolady. Sondaı-aq aqpan aıynan bastap bılik 50 jastan asqan adamdarǵa mindetti vaksınasıa engizedi.
Chehıa quramasynyń alty hokeıshisi Olımpıadaǵa daıyndyq kezinde koronavırýs juqtyrdy. Aýrý oıynshylardyń esimderi jarıalanbaıdy. Komandanyń jattyqtyrýshysy Fılıp Peshan vırýs juqtyrǵan sportshylar dereý oqshaýlanǵandyǵyn málimdedi.