Zańsyz aýlanǵan balyqty tárkilegen soń qaıda jiberedi? Atalǵan saýalǵa Ekologıa jáne tabıǵı resýrstar mınıstrligi balyq sharýashylyǵy komıteti tóraǵasynyń orynbasary Aıan Bahıanov jaýap berdi, dep habarlaıdy Almaty-akshamy.kz QazAqparat-qa silteme jasap.
«Memlekettik ınspektorlar brakonerlik tásilmen aýlanǵan balyqtardy tárkileıdi. Ol balyq sot sheshimine deıin arnaıy uıymǵa tapsyrylady. Brakonerlik boıynsha qylmystyq is qozǵalady. İs aıaqtalyp, sot sheshimi shyqqanǵa deıin balyq sol uıymda saqtalady. Zańsyz aýlanǵan balyq kólemin memleket kirisine tárkileý ne onyń aınalymy týraly sot sheshimi shyqqannan keıin odan ári iske sot oryndaýshylary kirisedi. Tárkilengen balyq satylady nemese joıylady», - dedi Aıan Bahıanov ortalyq komýnıkasıalar qyzmeti alańynda ótken baspasóz máslıhatynda.
Mınıstrlik ókiliniń aıtýynsha, balyqty satý jáne joıý sot oryndaýshylarynyń quzyrynda.