Bul týraly Bostandyq aýdanynyń ákimi Sanjar Alın málimdedi.
Bıyl memlekettik organdardy ortalyqsyzdandyrý aıasynda syrtqy jaryqtandyrý jelisi aýdandyq ákimdikterdiń basqarýyna berildi, dep habarlaıdy Almaty-akshamy.kz
Bostandyq aýdanynda uzyndyǵy - 659,63 km bolatyn 23 388 jaryq núktesi, 16,2 myń tirek, 210 dana syrtqy jaryqtandyrýdy basqarý shkafy (SJBSH) ornatyldy.
Búginde syrtqy jaryqtandyrý jelisine qyzmet kórsetýge «Almaty Qala Jaryq» MKK-men shart jasaldy. Bul jedel brıgadalar kósheni jaryqtandyrý máselesi boıynsha azamattardyń ótinimin birden qolǵa alady degen sóz.
48 ishinara jaryq tartylmaǵan kóshege JSQ ázirleý josparlanyp otyr, oǵan uzyndyǵy 19,7 km bolatyn 608 jaryq núktesi men 594 jaryqtandyrý tiregin ornatý qajet.
Esterińizge sala keteıik, qazan aıynda Almatyda kósheni jaryqtandyrý máselesin joıý úshin tehnıkalyq qyzmetkerlerdiń shtaty ulǵaıtyldy. Almaty ákimi Erbolat Dosaevtyń tapsyrmasymen jergilikti ýchaskelerde jumys isteý úshin 20 adamnan turatyn alǵashqy brıgada jasaqtaldy.