Almaty qalasy Bostandyq aýdanynyń birqatar ǵımarattaryna jylý jáne ystyq sý berý qaıta qalpyna keltirildi, dep habarlaıdy almaty-akshamy.kz
Bostandyq aýdanynyń aýmaǵyndaǵy Gagarın — Hodjanov — Korolenko — Rozybaqıev kósheleriniń kontýrynda ornalasqan turǵyn jáne ózge de ǵımarattarǵa jylý jáne ystyq sý berý qaıta qalpyna keltirildi.
Hodjanov kóshesinde oryn alǵan jarylys keshe 18 qazanda aýyzdyqtalǵan.
18-nen 19 qazanǵa qaraǵan túni joǵaryda atalǵan kóshe kontýrynda turatyn turǵyndarǵa turǵyn úılerde temperatýralyq rejımdi saqtaý úshin jylýmen jabdyqtaý qaıta qalpyna keltirildi. Jumys kelesi kúni saǵat 9.30-dan bastap qaıta qalpyna keltirý jumystary bastalyp, saǵat 15.00-ge deıin tolyq aıaqtaldy. Jylý trassasy iske qosyldy jáne berilgen rejımde jumys istep tur. Bul dıametri 800 mm qubyr 1976 jyldan beri jumys istep keledi jáne óziniń paıdalaný normatıvtik merzimi aıaqtaldy.
Aıta ketý kerek, ıaǵnı jyl saıyn Almatylyq jylý jelileri ózderiniń paıdalaný normatıvtik merzimi – 25 jyldan asqan jylýmen jabdyqtaý jelilerin aýystyrý boıynsha qaıta qurylymdaý jumystaryn júrgizedi.
Almaty qalasy boıynsha jylý jelileriniń jalpy tozýy 59,2 % quraıdy.
Júrgizilip jatqan jumystar ınjenerlik jelilerdiń tozý deńgeıin tómendetýge, shyǵyndardy azaıtýǵa, apattylyqty azaıtýǵa jáne qys mezgilinde senimdi jylýmen qamtamasyz etýge múmkindik beredi.
Aǵymdaǵy jylytý aralyq maýsymda «AlJJ» JSHS shamamen 9,1 km jylý jelilerin qaıta qurylymdaý júrgizdi, bul tozýdy 0,6%-ǵa tómendetýge múmkindik beredi.
Esterińizge sala keteıik, qandaı da bir shtattan tys jaǵdaı týyndaǵan jaǵdaıda (sý, bý jáne t.b. shyǵaryndylar) táýelsiz áreket jasamaýǵa jáne kelesi nómirlerge qońyraý shalý arqyly oryn alǵan jaǵdaı týraly habarlaýǵa keńes beremiz:
+7 (727) 378-06-65 (táýlik boıy),
+7 (727) 341-07-77 (08:00-den 18:00-ge deıin) nemese 109.
«Almaty jylý júıesi» JSHS