Oqý jyly bastalǵansha aýdanda mektep oqýshylary úshin jańa korpýs paıdalanýǵa beriledi.
Bul týraly qala ákimi Erbolat Dosaev Bostandyq aýdanynyń turǵyndarymen ótken kezdesýde aıtty, dep habarlaıdy Almaty-akshamy.kz.
Mektepterde oryn tapshylyǵyn azaıtý úshin maýsym aıynda №146 lıseı men №191 mektepke 300 oryndyq eki qosymsha korpýs salynyp bitti.
1 qyrkúıekke deıin №125 mekteptiń 275 oryndyq jańa korpýsyn paıdalanýǵa berý josparlanýda.
Budan basqa, qala ákimdigi «Ádilet» koleji ornalasqan 600 oryndyq №94 mekteptiń bir bóligin satyp aldy. Jyl sońyna deıin balalar tolyqqandy mektepte oqýǵa kirisedi.
Sondaı-aq, kelesi jańa oqý jylynyń basynda №9 mektep-ınternatynyń asqanasy men 120 oryndyq jańa korpýsyn aıaqtaý josparlanǵan bolatyn. Qurylys materıaldary men qyzmetterdiń qymbattaýyna baılanysty shamamen 200 mln.teńgege jobalaý-smetalyq qujattamasyna túzetý engizilýde. Qyrkúıek aıynyń basynda saraptamadan ótkennen keıin qosymsha qarajat bólinedi. Osyǵan baılanysty qurylys-montajdaý jumystaryn aıaqtaý merzimi 2022 jylǵy 30 qarashaǵa deıin uzartyldy.